याद थारी आवे,
नैना बरस रही बादली,
सांवरिया रे,
थारी ओल्यूड़ी आवे,
सांवरिया रे,
थारी ओल्यूड़ी आवे।।
देखे – तुम्हारी याद आती है।
दिन बीत्या रे बीत्या महीना,
बीतण लाग्या साल,
आज्या रे साँवरिया थारी,
ऊबो जोऊं बाट,
गिण गिण घसगी म्हारे,
हाथा री आंगली,
सांवरिया रे,
थारी ओल्यूड़ी आवे।।
वादो करके भूल गयो तू,
क्यों म्हाने बिलमायो,
बोल्यो थो आऊँगा तेरे,
आज तलक नहीं आयो,
तेरी मीठी बाता बाबा,
नींद लेगी म्हारली,
सांवरिया रे,
थारी ओल्यूड़ी आवे।।
एक पल चैन नही बिन थारे,
मनड़ो धीर गँवाय,
टालमटोल करे मत बाबा,
एक बर मिल ले आय,
थारे बिना कईयाँ चलसी,
जीवन की गाडली,
सांवरिया रे,
थारी ओल्यूड़ी आवे।।
आणो है तो आव सांवरा,
क्यों म्हाने तरसावे,
लोग मस्करा पूछे ‘संजु’,
कद सांवरियो आवे,
बात म्हारी जो गई तो,
जासी बात थारली,
सांवरिया रे,
थारी ओल्यूड़ी आवे।।
याद थारी आवे,
नैना बरस रही बादली,
सांवरिया रे,
थारी ओल्यूड़ी आवे,
सांवरिया रे,
थारी ओल्यूड़ी आवे।।
Singer – Sanju Ji Sharma}]