झाला देवे जी,
श्याम थाने झाला देवे जी,
हाथ हिलाकर भजन सुणाकर,
थाने रिझावे जी,
झाला देवे जी,
श्याम थानें झाला देवे जी।।
सज्यो है सांवरियो,
यो बैठ्यो मुस्कावे,
पलट जावे किस्मत,
नजर जो आ जावे,
प्रेम भाव स्यू नैंण मिलाकर,
थाने रिझावे जी,
झाला देवे जी,
श्याम थानें झाला देवे जी।।
चांद सो चमके मुखड़ो,
नजर में घुमे जी,
श्याम की मस्ती चढ़गी,
भगत सब झुमें जी,
नाच नाच कर हाथ उठाकर,
ताळी बजावे जी,
झाला देवे जी,
श्याम थानें झाला देवे जी।।
छप्पन थारा भोग बणाया,
जिमावा थानें आया,
करे मनुहार सांवरा,
आज म्हारे घरा पधारया,
करमा के धाबलिया क जया,
पड़दो लगायो जी,
झाला देवे जी,
श्याम थानें झाला देवे जी।।
हारया को साथी बाबो,
यो लखदातार कुहावे,
सांवरो बिगड़ी किस्मत,
ओ सोया भाग जगावे,
दास भवानी सरणें आकर,
अर्जी लगावे जी,
झाला देवे जी,
श्याम थानें झाला देवे जी।।
झाला देवे जी,
श्याम थाने झाला देवे जी,
हाथ हिलाकर भजन सुणाकर,
थाने रिझावे जी,
झाला देवे जी,
श्याम थानें झाला देवे जी।।
गायक – नवरत्न पारीक सुजानगढ़।
लेखन – भवानी सिंग जी पंडा।}]