हाथ जोड़ विनती करूँ,
धरूँ चरण में शीश,
भूल चूक माफ़ी करो,
दया करो बख्शीश,
बालाजी म्हारे आंगनिये,
पधारो महाराज,
बालाजी ओ बालाजी महाराज।bd।
मरुधर राजस्थान में,
जोधाणो है धाम,
झोपड़ी वाला बालाजी,
मोटो थारो नाम,
बालासा म्हाने,
थारो एक सहारो महाराज,
बालाजी ओ बालाजी महाराज।bd।
दूर दूर सु आवे जातरी,
धर मन में विश्वास,
झोपडी वाला बालाजी,
पुरे मन री आस,
बालासा आपरा परचा,
जन जन पावे महाराज,
बालाजी ओ बालाजी महाराज।bd।
सातों दिन मेलो भरे,
भीड़ पड़े है अपार,
दीन दुखी रा कष्ट हरे,
माँ अंजनी रा लाला,
बालाजी म्हा पर,
ठंडी नजरा राखो महाराज,
बालाजी ओ बालाजी महाराज।bd।
शंकर लाल जी चाकर थारा,
भक्ता रा सिरमौर,
साँचा मन सु सेवा करे,
चरणा में कर जोड़,
बालाजी आपरे चरणा,
धोक लगावा महाराज,
बालाजी ओ बालाजी महाराज।bd।
हाथ जोड़ विनती करूँ,
धरूँ चरण में शीश,
भूल चूक माफ़ी करो,
दया करो बख्शीश,
बालाजी म्हारे आंगनिये,
पधारो महाराज,
बालाजी ओ बालाजी महाराज।bd।
Singer – Trilok Singh Nagsa