आओ आओ जी खाटू का राजा श्याम,
आज म्हारे कीर्तन में,
थारा भक्त लगावे जय जयकार,
श्याम थारे कीर्तन में।।
खूब सज्यो दरबार आपको,
फूलां रो नहीं पार,
ध्वजा पताका चारो कानि,
लटके बान्दरवार,
उड़े इतर फुलेल गुलाल,
उड़े इतर फुलेल गुलाल,
श्याम थारे कीर्तन में,
आवो आवो जी खाटू का राजा श्याम,
आज म्हारे कीर्तन में।।
चंवर ढूले थारे चारो कानि,
भक्त करे मनवार,
छप्पन भोग सजावा बाबा,
खीर चूरमो त्यार,
ल्यावा ल्यावाजी मेवा रा भर भर थाल,
ल्यावा ल्यावाजी मेवा रा भर भर थाल,
श्याम थारे कीर्तन में,
आवो आवो जी खाटू का राजा श्याम,
आज म्हारे कीर्तन में।।
हाथ जोड़कर शीश झुकाऊं,
म्हारे कानि झांकी,
भक्ता रा भगवान सांवरा,
लाज राख जो म्हाकी,
आयो आयो जी शरणा में थारी श्याम,
आयो आयो जी शरणा में थारी श्याम,
आज थारे कीर्तन में,
आवो आवो जी खाटू का राजा श्याम,
आज म्हारे कीर्तन में।।
ना जानू मैं सेवा पूजा,
तन्ने छोड़ कोई और,
थे म्हारा हो मैं हूँ थारो,
भक्ता रा सिरमौर,
ओ तो हारे को सहारो बाबो श्याम,
ओ तो हारे को सहारो बाबो श्याम,
श्याम थारे कीर्तन में,
आवो आवो जी खाटू का राजा श्याम,
आज म्हारे कीर्तन में।।
हाथ राख जो म्हारे सर पर,
जपूँ सदा थारो जाप,
‘व्यास’ थारे चरणा को चाकर,
भूल करीजो माफ़,
ओ तो बड़ो रे दयालु बाबो श्याम,
ओ तो बड़ो रे दयालु बाबो श्याम,
श्याम थारे कीर्तन में,
आवो आवो जी खाटू का राजा श्याम,
आज म्हारे कीर्तन में।।
आओ आओ जी खाटू का राजा श्याम,
आज म्हारे कीर्तन में,
थारा भक्त लगावे जय जयकार,
श्याम थारे कीर्तन में।।
Singer – Dharnidhar Dadhich}]