आयो मेलो सतरंगियो,
कार्तिक बितयो फागण आयो,
रंगे महारो साँवरियो,
बुलावे महाने साँवरियो,
आयो मेलो सतरंगियों।।
रंग रंगीले फ़ागनिये की,
याद घनेरी आवे,
श्याम दर्श रो चाव चढयो,
म्हारे मन रो मोरियो गावे,
याद सतावे होया बावरा,
सूझे बस साँवरियो,
बुलावे महाने साँवरियो,
आयो मेलो सतरंगियों।।
फ़ागनियो ओ महीनों प्यारो,
चंग सुरीला बाजे,
मंदिरये के आगे श्याम म्हारो,
भगतां के संग नाचे,
फाग उड़ावे धमाल मचावे,
श्याम म्हारो साँवरियो,
बुलावे महाने साँवरियो,
आयो मेलो सतरंगियों।।
भांत भांत का रंग उड़े है,
खाटू नगरी माही,
तुलसी थाने श्याम रंगीलो,
बुला रहयो खाटू माही,
श्याम मिलन ने तरस रहयो,
कद सयुं टाबरियो,
बुलावे महाने साँवरियो,
आयो मेलो सतरंगियों।।
कार्तिक बितयो फागण आयो,
रंगे महारो साँवरियो,
बुलावे महाने साँवरियो,
आयो मेलो सतरंगियो,
आयो मेलो सतरंगियो।।
Writer / Upload – Roshan Swami Tulsi
9610473172
Singer – Pankaj Dass}]